WFU
Admin Offline
Oh nonono
 2016 DSE cut-off     5** 操 Past Paper 正確方法    通識由0到5**經歷及技巧分享    5**讀書態度及技巧分享    6招讓 DSE 變得輕鬆
線上:

2016年5月12日

考完DSE有咩做?

考完DSE做乜好?


1. part-time
好多學生都未打過工,趁呢家有時間,返下工可以消磨時間,又可以識多D(雖然班同事十成十係你quit左之後唔會再聯絡)。返工仲可以挨下苦。好多學生仔都未挨過苦,當你
返過工之後,就會開始體會到世間人情冷暖,由一個入世未深既小鶵鳥進化到入世深少少既小鶵鳥。你仲會深深體會到購錢係幾辛苦 (想當年我時薪得$32,真係飯都唔捨得食)

返工有機會受氣,但唔好Sad,你當呢個係磨練,每個人成長既必經階段,好多學生都係玻璃心。但當你比人鬧下,你就會變得堅強,變得圓滑,變得知道點做先可以討人歡心。miss話過係呢個社會入面,面皮厚係有着數。

2. 去畢業旅行
相信唔少同學都已經plan定去grad trip, plan既可以考慮下,因為當你升左大學/放左榜之後,你人生唔會再有甘悠閒既三個月無憂無慮既長期,例如你返工好難請假;讀書既,要會揾intern。所以呢三個月可謂你人生中最自由既三個月。

而且,呢段時間可能係你見中學同學見得最多既一段時間,因為之後你地會因為種種原因而愈見愈少,可能要返工、返學、做projectMidTermFinal… D時間會越黎越難夾。所以好好把握呢個機會去同你D朋友相處。

Grad trip 將成為你人生中最難忘既回憶   之一!(好似好多人都會去台灣?! )

3. 準備interview
D大學interview7月進行,你可以提前練習下。好多人考完oral就好少講英文,去到7interview個陣就講到一舊舊,所以要keep住提升你既英文,因為英文永遠有用,無論讀書、interview、揾野做,英文好往往有着數。同埋要提升下自信心,係interview個陣 唔好緊張到口窒窒。

4. 做自己興趣的事
鐘意睇書,鐘意樂器,好多好多以前因為要讀書而擱置左既野,你終於有時間做啦。你鐘意煮野食既,去買本食譜返黎慢慢煮;鐘意彈琴既,就去學,每日係房企彈到天昏天暗;鐘意打機既,就日日打到天昏地暗 (不過個人認為都係適可而止好,上癮始終唔好)

好好利用呢三個月做你想做既野,學你想學既野。有錢既請人返黎教你,無錢既買本書自學都好 (想當年我買左幾本日本書自學日本),尤其是學新野,起步往往用最多時間,趁呢家有時間就開左個頭佢,過左呢三個月,你好難再有時間做呢樣野。

5. 睇下大學D
D人已經知自己會讀咩,或者等你88 Jupas放榜後,不防睇下大學D (上網好多Ebook) ,去了解下你遲D會學咩,有助你加快適應大學既讀書模式,對你日後課堂上吸收都有幫助。大學頭一兩月都係新生既適應期,部分人因為未習慣而考得差。所以不防了解下大學係點讀書。










2 則留言:

歡迎留言

Cut-off 補習