WFU
Admin Offline
 2016 DSE cut-off     5** 操 Past Paper 正確方法    大學面試秘訣   5**讀書態度及技巧分享    放榜啟示:DSE 35分想對你說的事
線上:

2016年8月3日

放緊假 個心玩到hea哂 温唔到書點算?

 
放暑假大家都不忘休息,但放低左D書一段時間,要重新收拾心情唔係一件易事,好需要自己自律。遇到呢甘既情況應該點算?




  制定時間表  

「千里之行始於足下」,最辛苦既日子,往往係岩岩開始既一段時間。某程度上呢個係一個心理障礙,因為你唔知由邊到開始,應該温邊科先,温邊個chapter先,做功課先定睇書先好。因為無乜目標,好自然無乜動力去做。所以大家係温書之前,應該制定一個時間表,好好規劃你每一日既温書行程,再按住做,甘樣就有一個明確既目標去温書。


  遁序漸進  

放低左D野甘耐,要開始返,需要慢慢黎,等自己適應返讀書個節奏。例如頭幾日每日温3小時,之後每日5小時,慢慢加落去,就可以慢慢適應返個拍子。至於每日應該温幾多個鐘呢?升中六既學生可以每日温5-7個鐘。至於升中五,每日3-5個鐘都OK


  時間表要有目標性,可行性及彈性  

  目標性       制定時間表時要有,也就是說成個時間表入面你要達成D咩目標。例如我要係8月之內温好化學必修部分,甘你就制定:今日温 1-5 課,聽日温6-9 ……8月之內你就可以温哂全部chapter

至於需唔需要連續温7個鐘?甘又唔洗既,可以按自己心情,温到唔想温時做下自己野,放鬆心情,只要完成當日目標即可。

  可行性       時間表要係自己能力範圍之內,否則今日完成唔到既目標﹐推到聽日,聽日又完成唔到既目標,推到後日,久而久之,你就跟唔上個時間表。

   彈性          無需逼到自己太緊。例如你有能力一日可以 10課,温足10 小時,但甘逼自己,好快會失去鬥志。所以,與其好辛苦地每日温好多,不如輕輕鬆鬆每日温少D。要記住,


DSE係一場長久戰。


  定期檢示時間表  

按住時間表開始左一段時間,要檢討下個時間表。例如你本來一日温5課,但其實覺得一日温3課會入腦D,甘你就要修改跟後既日子。

另外,你都要睇下自己有無跟甩個進度。比如一星期過去,你原本應該要温完30課,但實際只完成25課,甘你就需要修訂下個時間表。


記得預留時間比自己休息,尤其是放緊暑假,最緊要温得開心 =]




相關文章




沒有留言:

張貼留言

歡迎留言

Cut-off 補習