WFU
Admin Offline
考完lu
 2016 DSE cut-off     5** 操 Past Paper 正確方法    新手補習老師手冊    5**讀書態度及技巧分享    5 個考完DSE可以做嘅野
線上:

2016年10月25日

考評局說理文評分四大準則 說理文奪分技巧 (文章+video)


說理文係每年文憑試卷二必出文體,咁到底考評局要求一篇高分既說理文要有咩元素呢?




卷二寫作類




曾經聽過有老師話高分說理文唔應該舉實例,因為大家都識背例子;相反,說理文應該用多d唔同寫作手法,例如比喻、排比等等,透過文筆豐富文章。到底佢所講既又岩唔岩呢?

其實,心水清既同學就會知道,以上既觀點係錯既!因為響卷二評分準則入面,內容係佔最高分,其次先係表達。咁單單文辭豐富又點能夠蓋過內容上既不足呢?其實,考評局對說理文既要求不外乎以下四點:


  1       立場清晰

近年黎既說理文題目,總係會叫大家對於某d觀點作出評價,因此,要寫一篇高分既說理文,首先就要有一個清晰既立場。大家千祈唔好以為立場清晰好容易做到呀!立場清晰,唔單單係指你要響文章初段表達自己對題目既看法,更加重要既係全篇文章唔可以出現立場矛盾既情況。而一般同學最常犯既毛病就係寫到中段開始亂寫,結果令文章內容同前文有矛盾,咁立場就會變得含糊啦!


  2       闡述深入

說理文,顧名思義即係用黎說明道理。要帶出大道理,唔需要睇書,但係就需要用較長篇幅,深入咁闡述、解釋。大家一定要記住,千祈唔好以為講完個Point好勁好獨特就有人明。你一定要一層一層咁深入解釋返你既論點。仲記唔記得以前中三學過既演繹論證?即係果d「大前提」、「小前提」呢!用返相關概念去解釋就岩啦!


  3      例證豐富

作為一篇具說服力既文章,豐富既實例必不可缺。注意,係實例,而唔係你作出黎既「我的朋友小明也有相似經歷……」呀!當然,淨係舉實例唔夠既,舉既時候仲要留意:第一,例子要扣題,唔好以為舉一堆成功人士出黎就當舉好多例子。例子全部都要扣返題旨,如果唔係就無辦法幫你論證你既論點架啦;第二,要用自己文字解釋例子點樣對題。呢點亦都好重要,因為好多同學成日以為背左個對題既例子就算,無作任何解釋,咁樣亦都無辦法為你取得任何分數架!


  4      結構清晰

最後,大家寫說理文既時候結構應該盡量清晰。簡簡單單既

「 入題 立場 論點sss 總結 」

就已經OK,唔洗話專登用d好複雜既結構。因為,說理文主要係用黎說明道理,結構當然越清晰就越易明啦!




沒有留言:

張貼留言

歡迎留言

Cut-off 補習