大學中醫比較,讀邊間好? Jupas 6482, JS 4542, JS 2410, JS2420


Jupas 排中醫,讀定唔讀好?如果讀既話又應該讀邊間呢?






  注   以下內容純屬坊間意見,與本站立場無關。



  1    中醫就業

中醫畢業起薪點係20K左右,都幾Chur下。而修讀年期浸大(BU) 6年,中大(CU)、港大(HKU) 5年。BU 2014年畢業生平均有 $19000 。中醫比好多系讀嘅野多,但出到黎都係揾萬幾蚊一個月,而且要持續進修學分,然後每年續牌。

醫師工作極Chur,唔係為興趣都唔建議讀。可能星期一至六9點係荃灣診所返工,下午要去明愛做外展治療,夜上再去其他診所,例如西環。

如果有心讀中醫,建議係香港讀完中醫,然後去廣州考多個高級中醫專科 (皮膚又好,婦科又好,骨科又好,五官又好,內科又好)。將來條路易行好多 (可以直做分部駐守高級中醫師,高薪,穩定工作,唔洗四圍撲 ) 中醫一定會愈黎愈大需求。


  

  2    本地大學收生分數



UQ
M
LQ
Lowest
HKU
28
27
26
26
CU
32
29
29

BU

27
27

*Best five (2016)



  3    實際課程教援

BU都要學MBBS (醫科) D野,同埋BUdUal degree,所以多野讀,好多要讀埋BIO CHEM



  4    各大學課程比較

至於邊間大學中醫學系最後,坊間有不同意見,可歸納出以下幾點:

        名牌效應

意見一:

港大個名響d,如果你想將來係香中醫院/中醫中心做返醫師,唔好讀浸大,部分大型中醫醫院,in都唔比。我間只收中大、港大、內地大學三類大學grad。講多少少,我係仁濟中醫做,中港內地大係基本,唔係呢三類grad,一定無得係依間做,但係,grad左都要再睇gpa可能浸大課程好,可能中港中醫唔係出名,但係,最重要嘅係第一眼就係中港大,非三大已經將你定型。


意見二:

HKU 有個好處係,即使將來唔係中醫行業發展,轉行做其行,都算畢業於名牌大學,就職也較容易。


        實習及Training

Training同實習都係BU比較好。中港浸全部都有得實習,但只有BU六年都有實習。

三間大學都會搞exchange
BU實習係去南京中醫藥 / 廣州中醫藥
CU實習係去廣州中醫藥
HKU實習係去上海中醫藥



        承認程度

1.    香港業界老一輩嘅中醫師/醫師公會普遍都認為同認同BU>>>>CU>>>HKU
原因係:三大對於校內資源分配到中醫學科上的比重,同實習生表現,以及出到黎臨床執業,訓練水準等等,都係睇得出有差別。


2.    街外人實際對中醫嘅印象,比較深係BU > HKU > CU,因為三間大學中,BU係爭取中醫醫院方面明顯比HKUCU落力。

當然,坊間亦有D淨係從「名牌效應」去睇,甘除左HKU,其餘咩都係廢。


3.    三間個師資主要來自國內老中醫/現職中醫藥大學教援挖角過黎。而BU係三間大學中,同國內各間中醫藥大學嘅聯繫同交流係最密切,密切到我果間中醫大學,中醫學院同中藥學院嘅兩位院長,都認識前任同現任嘅BU中醫學院院長。

經歷
三大學生到北京中醫藥院交流,教授問左一個病案同方劑分析,三大學生輪流答,答完教授對各間大學既評語係:

BU學生明顯係勤學努力,基礎理論紮實,思維活潑,見解創新。
CUHKU學生基礎理論功底唔錯,但係響辨識上可以有更全面嘅睇法。   

因為BU響行內名氣、學術水平、學生動手能力及質素、特別係同政府Bargain中醫院呢件事上,令香港行內對BU都普遍性持有較正面嘅評價,呢個係現時不爭嘅事實。


        畢業生人際網絡

頭幾屆浸大畢業的中醫,而家都出咗去做老細,月入都唔錯,師兄師姐網絡亦較好。資源亦較多。


        大學資源分配

香港最好嘅中醫PROGRAMME係浸大,浸大投放於中醫學系既資源都比其餘兩大多,而且浸大有全港唯一中醫樓。



  5    中醫畢業進修

續牌三年一次,進修聽CoUrse之類儲夠分就得。起薪點萬幾蚊只係頭一兩年。 之後上得幾快就要睇個人修行。





如同學希望對於上文中醫加插意見,可在下面留言。