WFU
Admin Offline
考完lu
 2016 DSE cut-off     5** 操 Past Paper 正確方法    新手補習老師手冊    5**讀書態度及技巧分享    5 個考完DSE可以做嘅野
線上:

2017年2月21日

玩水上運動嘅8個好處,唔玩唔得!

「你鐘意咩運動?」「羽毛球囉。」「你呢?」「藍球。」但其實水上運動嘅好處都有好多。




作者:Waiwai 


其實除在足球、藍球、羽毛球外,仲有一系列嘅上運動可選擇,例如滑浪風帆、風帆、獨木舟。水上運動係香港唔算冷門,但絕對稱唔上熱門,但其實玩上活動好處有好多。


     

當朋友問你做開咩運動,你答:「我玩開滑浪風帆。」聽到後,你朋友對你嘅印像即卡唔同哂。因為係香港玩上運動嘅人唔多,有更多係聽過個名但唔知係咩黎,人對於未知嘅事物係充滿好奇,當你講左一個佢唔知嘅名詞,D人就會覺得你個人好特別,好有性格,與別不同,頓時對你充滿敬意。不過當然,型唔型呢樣係見人見志。


      有挑戰性

上運動唔係話玩就玩,一般黎講如果你想由康文署到借船,都要上一兩日堂,亦需通過教練考核,方能獲得借船資格。而且,上運動嘅儀器一般更難操控,如滑浪風帆,除左要海上平衡塊板,仲要平衡D風同塊帆(初級一般3-6米),加上海浪不斷,海風吹拂不定,另外塊帆都有返甘上下重量,要成功駕馭真係一D都唔簡易。只有練習,先能提升技術。另外,無論風帆、滑浪風帆、獨木舟,出海前都要組裝船隻,所以無玩過,真係砌都唔識砌,唔好話出海。


      健康

首先你嘅體格會明顯強壯左,因為正如滑浪風帆,成功操控架船,必會軒動全身肌肉,特別係手、腳、腰,加上經常性跌落水(放心,有助浮衣),又要爬返上塊皮到,玩左三個鐘後,真係乜肌都出哂黎。另外,玩水上運動必然會曬到太陽,陽光可以刺激身體合成維他命D,保持骨格健康,亦可曬出一身健康膚色(誤),驚黑嘅人當然可以塗上太陽油。玩完一排水上運動,肌肉密度明顯上升,但又唔會好似舉重甘大隻,練出一身健美線條(應該)。


      新觧

相信好多人都未接觸過水上運動(除左游水),第一次接觸時,必定覺得好新觧,好多野都未見過。而且水上運動技術含量高,玩幾耐都唔會厭。


      見識

你識多一樣運動,已經算見識多左。從學習水上運動過程中,你會學識船嘅配件,佢地有咩用。另外,你會知道架船行走嘅原理,點解架船可以逆風行駛?呢個可以關乎物理嘅動力學。當然你都會學習部份航海知識,求生方法……


      心情舒暢

香港人日忙夜忙,如果假日可以出黎玩下,心中壓力一定無哂。水上運動有別於一般運動,你會去到海邊,駕船去到海中心。平時係屋企望慣四面牆,出到黎望到一望無際嘅大海,海鷗係你頭上展翅滑過,又望望水上自由自在嘅水母游泳(「喂,我比風吹左出去,快D救我返去呀~」),聽住沙沙海聲,感受陽光温暖,真係十分愜意。


      友誼

水上運動多數三五成群,學識水上運動,又多左個活動可以約班朋友出黎玩,朋友係攞黎見,見多D,感情自然好D啦。如風帆,去到二級會學習二人風帆,可以同Frd一齊駕馭一隻船,大家會更有默契(所以朋友要雙數數目=))。


      收費便宜

有人覺得學習水上運動一定價值不菲,但其實唔係,當然如果請私人教練,分分鐘動輒幾百至一千一堂。但康文署每月舉辦各式各樣嘅水上運動課程(其實都係得3=)),為左推廣水上運動,收費十分便宜,整個課程只收百幾蚊,學生小鐘仲有半價。只需百幾蚊,就可以小班教學,真係買少一件衫,已經足夠學識一樣運動。



如果大家聽完有心思思想學返樣水上運動,可以去search康文署水上運動」。


沒有留言:

張貼留言

歡迎留言

Cut-off 補習