放榜啟示:DSE 35分想對你說的事《我們在香港讀中學的青春》


DSE 35分給DSE考生的啟示
credited by Hein Cream






Transcript

我個名叫龍海恩,上年DSE35分, 而家讀緊Kong U(香港大學) Global Business(環球商業管理),人生一帆風順,從此不憂吃喝愛情,上樓都係小兒科,到退休到死為止都可以優哉游哉,我人生嘅改變,一切都係上年放榜日開始。

唔好意思 我呃你咋,其實我係,Best 6 35分,我而家台灣讀緊媒體傳達設計,英文叫 Communications Design,分組有3D動畫同埋新媒體 (裝置遊戲果),考大學果陣時其實台灣嘅設計學院只係睇過我嘅作品集,完全唔知道我DSE考幾多分,莫講話上到大學之後啊,真係人有興趣問過我DSE考成點


         無人會理幾多分

我嘅例子可能有極端,但事實係大學,無論考得好定係唔好,根本就唔會有人想知你考幾多分,我老師話頂多工果陣時,CV (個人履歷) 要加多一欄你DSE嘅成績囉,但係都僅止如此,至少 人會好似我咁,攞個分嚟做自我介紹。

我知道睇緊片嘅你而家可能想反駁,講咩DSE個分用呀,我而家唔分入Band A,攞唔到入場券喇,你呢讀書嘅人 有經歷過我嘅感受咩?,對唔住啊,我可能真係,我可能都講唔出一 比較似安慰嘅容,但係上年放榜嘅班房裡面,我收到分紙 開心一陣之後,我就同其他同學一齊喊。


         花費青春的考試模式

我都好唔開心,我唔係讀名校,我唔鍾意見到我所愛嘅同學,承受前路茫茫嘅痛苦,我唔鍾意自己一場不公平嘅比賽裡面穎而出,我唔鍾意每一個香港學生,花哂自己最珍貴嘅青春一個考試裡面,到頭嚟考評局只係比左幾個數字,去總結 評價我每一個人嘅努力,備試嘅時候,真係覺得一切都合理咩?,乜你唔覺得DSE就係一個,鬥時間嘅遊戲咩?

我唔否認,我唔同嘅科裡面 真係有學到 例如中英文、通識,我都唔否認,要銜接大學各個科系,中學有唔同嘅選修科,係有需要嘅,但係我都辦法唔去承認,我浪費,操卷,補習,死背書,備試,或者係一,根本用唔著嘅考試範圍上面,所用嘅時間同埋青春,真係好多好多 好珍貴。


         不公平的考試

Sir 對唔住啊,我要用Maths去舉例,我就話數學好,做數快,我望住我班文科嘅同學仔,被迫好痛苦咁樣去做MC?我唔明,明明大學擺明就唔會揀呢科,明明成世人都唔會用到條鬼死咁長嘅formula (公式)

中文卷一讀卷,我唔明,點解我要操咁多份 一個半鐘又一個半鐘嘅 Past Paper(歷屆試題),為嘅就係去睇得明考卷上面嗰啲,正常讀者唔會問 作者自己都唔識答嘅問題。

Visual Art (視覺藝術),我用Hein Cream呢個名YouTube,成13 VA DSE 一共140幾分鐘嘅片,講真 呢所謂嘅教學片,裡面無一條係教真正意義上面嘅藝術,全部都係教你點樣考評局()上面攞高分,你點樣做好呢份卷,(歎氣),好諷刺啊呵?

可惜更加諷刺嘅係,DSE呢一個似乎係定生死前途嘅戲,你dum得愈多青春落去 你嘅分就會愈高,睇下邊個肯dum咋嘛 咪會贏囉。睇下邊個資質好, dum時間嘅成本效益愈高咋嘛,如果咁樣係叫"勤奮",咁我只能我呢一種係 "求學是為求分數嘅勤奮",講出嚟都唔知有咩好光彩,同樣地,失手 考得差 成績唔人地好,根本都唔需要感到慚愧,唔係咩? 個game本來都錯啦 我地被迫玩咋嘛。


         所謂教育

愛因斯坦講過話:「教育就係當一個人,學校裡面學過嘅全部唔記得哂之後 剩低嘅嘢。」

中學畢業一年,我終於有時間去學,營養 健康 跳舞 心理 語言 文化 社會 歷史 藝術 哲學 設計,呢我成世人都唔會唔記得嘅19年嚟我第一次覺得自己係用100%嘅智商活著,而唔係每朝早醒嚟 我都呃自己話,諗咁多做咩,做完份paper先講啦,鐘上堂喇。

因為拍YouTube我遇上好多 背景好唔一樣 可以叫做「奇葩」嘅人,有人係自學生 有人係出生於外國嘅其他學制,有人年紀比我細,但係地全部都比我更加早開始自己嘅人生,我喺佢地身上面見到種自信同埋成熟嘅光芒,真係真係好閃好耀眼。

原來,求學真係可以唔係求分數,原來教育 係真係可以改革

但係改變發生之前,我好擔心 呢條片會唔會俾一未讀()DSE嘅學生睇到,會唔會大家睇完之後就無動力温書?


         公民抗命

我想分享我當年温書嘅其中一個動力,係我班主任教我嘅,我果陣時問話,我都去台灣讀設計啦,考完個分都無人睇嘅,咁辛苦咁努力 為咩啊?,話,「只有考好呢一個試,我先至可以變得有服力,理直氣狀咁樣同所有人講,我讀設計係自己嘅選擇」。做足哂所有DSE嘅要求,我先至可以度好大聲咁講 我覺得成件事真係好錯。

我係信佛 但係我想引用,耶穌講過話,有人打你嘅右邊面,就連左邊面都轉過嚟俾打,呢句話唔係指緊任何一個不公義嘅時候,而係面對住巨人 巨大嘅惡人嘅時候,出生於香港,逃避唔到教育制度嘅時候,你要我考好DSE呀嘛,我考,你要我dum時間呀嘛,我dum,作為學生,順應呢一個學制 係一種公民抗命,香港嘅學生係唔會咁容易比呢個學制嘅荒謬考起、打低,我係可以去證明 呢一個學制係有幾咁荒謬。


         改變自已

當然如果你已經係去到 考完DSE、放榜嘅階段,你要做嘅就係,唔好放棄,無論結果係點 以後要行嘅路係點,唔好放棄,活好,過好,唔好接受考評局評價你嘅呢個分數,唔好俾呢個制度打低,入到大學嘅優點,係你會好方便咁 接觸到唔同嘅資源,遇到好多你可以喺佢身上面學到好多嘅人,有好多活動 畀你去經歷 從中改變自己。

但係如果我大學裡面唔去讀書唔去請教,唔自己揾嘢學唔攞一新嘅經驗,同無讀大學係一樣咋,相反,無論身處嘅環境 自己去讀書、請教,中意嘅嚟學 攞新嘅經驗、刺激,你嘅成長 分分鐘比起一個大學生 嚟得更加多,尤其是我地今日身處資訊發達嘅時代,你有咩想學 去YouTube search就有喇。

今日社會嘅型態 我相信係向住一個更加好嘅方向發展,唔再係一味追求 學歷高 讀書,而係更加重視 每一個人獨有嘅優點、特長,職業出現更加多嘅可能性,所以,鍾意邊個範疇就去學啦,鍾意咩興趣就去衝啦,鍾意運動 語言 遊戲 商品就去研究啦。



DSE就由喇,想笑嘅就笑,想喊嘅就喊,無事,我個名叫龍海恩,我DSE考幾多分唔重要,我而家讀緊興趣當飯食嘅設計系,人生唔會一帆風順,我會為吃喝愛情而煩惱,上樓可能仲係夢,但係到退休到死為止我都會拼命地「生活」,我人生嘅改變,一切都係由呢一刻開始。

鍾意呢條片畀個Like我,分享畀你嘅父母 同學 朋友,身邊嘅人睇,留言話畀我聽你對學制嘅感受,以上嘅所有動作 都會令呢一條片有更加高嘅曝光率,最後 你可以訂呢個channel,我係Hein Cream 奶油,我下條新片再見啦,拜拜。