新手補習老師手冊 (2) 點樣同學生建立良好關係

  概括  

以朋友態度對待學生,拉近彼此距離。除左課堂內容外,可以適時同學生閒談下。



  內容  

補習老師同學生年齡差距唔大,無須以老師身份居之,對待學生唔洗嚴厲,呢D任務交返比學校老師就得,私補想長久,最緊重相處自在,學生補得開心,自然會信任你。


             適時閒聊

係課堂入面同學生傾計好重要,因為可以透過傾計去了解個學生個多D,甘就知道點教個學生係最好。同時,同學生傾計可以比佢感覺到你係關心佢,係有個人比佢分享下開心既事,關係就甘建立出黎。試過有學生同時有兩個私補老師,一個會問下學生近況,另一個只係「純」補習,好快純補習個老師就比人停左。所以,
一個有感情基礎 ( friendship ) 既私補導師,先係無可取代。
( 當然,係真心想同學生做朋友 )


            維持課堂氣氛

維持課堂氣氛,係好重要,1.5小時 / 2小時 一堂,其實都幾長下。補習途中要留意學生神情,睇下佢地係米覺得攰,如果你 feel 到佢地差唔多開始攰 ( 攰之前 ) ,可以傾下 D 輕鬆既話題,例如

問下佢地係學校點、
讀其他科讀成點、
諗住大學揀咩科、
分享下自己係大學既事……等,佢地可能都會有興趣。

如果睇唔出,可以適時問下學生洗唔洗抖下。其實每完左一個環節,最好抖返 3-5 分鐘,可能你會驚比人覺得你揼波鐘,但有時學生自己都想抖下,最多米加返 3-5 分鐘比佢。如果一堂真係無間斷,甘分分鐘辛苦過學校上堂,補耐就會厭。

      


       所以要時刻保持溝通,同學生保持友好關係 =]