WFU
Admin Offline
 2016 DSE cut-off     5** 操 Past Paper 正確方法    大學面試秘訣   5**讀書態度及技巧分享    放榜啟示:DSE 35分想對你說的事
線上:

新手補習老師手冊(5) - 補習點樣防止悶堂


按照學生程度調整上課速度,適當休息,上堂同學生交流頻密,以問答代替講書,讓學生有成就感,減低挫折感,講書帶有幽默感,培養同學生既默契。



  內容  


      調整上課節奏

每個學生既吸收能力都唔同,講書時唔好講太快都唔好講太慢,可以直接問學生:「洗唔洗講慢D?」同一個concept既題目都唔好做太多次,不過當然係按照程度,如果你見到學生做完之後個樣好疑惑,就米做多次相同既題目lo。有D學生鐘意講快 D ,話講快 D 無甘悶。

如果你見到學生個樣都差唔多攰,就停下,太約3~5分鐘。補習可以等學生感到自由自在D。如果補到好似上堂甘,甘就會有 D 壓力。


      以問答形式援課
      
相信大家都有經歷,上堂聽聽下書就會訓着左。私補最大既優點就係一對一//三,為左令學生保持精醒,教學要雙向,例如每講完一個 concept,就向學生提問,確保佢時刻保持精神。有時有 D 簡單既,可以:「你可唔可以話我知 XXX 係咩意思?」然後再係佢既答案加以補充,甘樣比起單向同佢講,學生會吸收得更好。


      讓學生有成功感
      
有無試過答完老師問題個人係精神 D 聽書?因為你從答題中獲得成功感,人自然會精神 D。如果學生答岩問題,你可以直接讚下佢,如果學生答中一半,你可以話:「差唔多啦!」,如果學生答錯,你可    以講:「呢個答法都唔錯既,但諗唔諗到個更好既答案?」或「試下       從第二個方向諗下。」避免用「錯」、「唔啱」……呢類字眼。

增加學生答啱問題既成功感,減低學生答錯既挫折感,可以令學生表現更自信,上堂更精神。


      幽默感和默契

當然,講課悶唔悶好大程度取決於導師既幽默感和同學生既投契。如果導師本身講野幽默,上堂有 D GAG,逗個學生笑下,甘笑笑下又一堂。如果你同個學生投契,你地談話都會輕鬆 D ,講笑都放 D 啦。至於幽默感呢樣野真係好睇個人性格,同埋需要時間培養…… 同學生投唔投契除左靠時間增加外,都好睇你同學生既性格。所以揾到一個岩傾既學生就係唔易架。朋友間有時互串下可以拉近彼此距離,同學生一樣。至於互串既進退要自己慢慢觸摸啦。





沒有留言:

張貼留言

歡迎留言

Cut-off 補習