【中文】卷四說話 6 個常見的邏輯錯誤

說話卷考生最常犯的 6 個邏輯錯誤,Lv5和 Lv3 最大的分別。





By:  Chocalatier

中文說話呢一份卷大家都好驚
最主要係因為你會遇到一啲陌生人做對手
佢哋可能黎自名校/地區學校實力強橫
亦都可能唔講嘢 可以話係最有變化嘅一份卷

 1      對象/地方錯左
題目好多時候都限定左香港🇭🇰
又或者限定左持份者 可能係青少年 兒童或者老人家🧓
係呢啲題目裏面就唔好用唔係香港嘅例子
因為每個地區嘅情況都唔同
說服力會大減 考官都可能覺得你離題
仲有就係一定要針對個持份者
例如係青少年 你就針對大約係15-25歲嘅人
盡量唔好講一啲可以爭拗嘅地方
例如話你覺得40歲都係一個青年人
記住要針對嗰個對象

例子:有人認為現今香港青少年多談個人權利,小談社會責任。試評論之。

 2      講錯重點
如果要解決一個問題 題目問你方法A得唔得
然之後你話唔得 方法B先可以
其實你係冇回應到問題
方法B可以 同方法A得唔得 係完全冇直接關係
佢唔係叫你提議新嘅方法
係問你呢一個方法可唔可行/你支持唔支持
例子:為了保障動物權益,有人認為應該禁止動物表演,你同意嗎?
如果你話:唔應該 應該將動物放返去大自然
你個論點看似成立 睇落去真係唔錯
但係其實你係冇回應嗰題目
零分重作😂😂

 3      不可以否定題目有並存
題目有時候係特登伏你嘅
例子:與人比較,到底是壓力,還是會進步?
同人比較當然有壓力 亦都會有進步
你係絕對唔可以否定其中一邊 其中一個係唔存在
例如話係冇壓力但係有進步
當然你係要揀其中一個 唔可以兩個都揀晒
意思係進步係主要 亦都有少量壓力


 【延續閱讀】【中文】林溢欣 說話卷的最後提示


 4      正反冇講哂
有啲字眼係要講晒兩邊
例如:影響
正面嘅影響同反面嘅影響
你應該係1+2/3 嘅發言次數裏面 盡量講晒兩邊
咁樣你嘅分析先夠透徹

 5      冇清晰定義/定義錯誤/定義用太長嘅時間
例子:  面面俱圓這種待人態度,有人認為能促使和諧的人際關係,亦有人認為會令人變得虛偽。試談談你的看法
面面俱圓呢啲咁關鍵嘅字眼一開始就定義左先
後面會講得舒服啲
但係千祈唔好亂黎 唔好用30秒佢講個定義

 6      共識題「假共識」
呢一種嘅題目相信係最難
大家都唔會反對要五個人達到同一個立場係冇乜可能
所以你哋根本唔使達到同一個立場
你哋只需要有傾向就得啦
例如喺第三次嘅時候講
其實你講嘅睇法 同我頭先講嘅XXX
根本上係相似 我哋都係從長遠的角度
所以我覺得你嘅睇法其實都可取
即係話如果你有信心講到1+3
你係第二次(唔計首輪發言嘅時候就要預備轉)
千祈唔好突然間轉 「其實我都同意你嘅立場」
呢啲係假共識 絕對唔係一個5**嘅做法
轉立場係冇問題 轉得唔靚就有問題


 【延續閱讀】【中文】如何取得更高文筆分


呢度只係一部份中文口試要注意嘅事項
詳細內容可以睇吓我哋份筆記
或者參加我哋嘅中文口語精讀班

中文口試筆記已經有sample google drive link 入面
大家可以自己看一下
亦都會有中文5**真實說話片段
俾大家睇吓臨場實戰究竟有啲咩事

呢段說話片段相當珍貴
1 2017年最奇怪嘅標點符號題
2 考生都好踴躍爭野講
3 有一個人講左10
如果有興趣筆記嘅同學 可以IG Direct 我地
最後一個機會踏上5**之路