【通識】由 0 到 5** 經歷及 技巧分享

首先,我係今年DSE5**的學生O:-) ,亦都好成功上到大學,呢個post係想分享下我的經歷同埋D考試技巧




咁係中四個年,我對通識可以話係咩都唔識,甚至可以係好差呀。咁原因就有幾個。
第一,我啱啱先開始接觸依科,係中四之前根本冇讀過。第二,其實我係個時只係個廢青,淨係識打機,完全唔留意時事。咁好自然,我第一次考試就炒。我去補習,好好彩比我搵到個讀緊通識既大學生教我,咁慢慢佢教左我好多技巧,因為通識其實只係一個玩弄技巧既考試,雖然時事知識都重要,但係好多MAKER 都只係睇你點答:-]

咁亦都係佢循循善誘之下,我鍾意左補識呢科,就投資好多時間落去睇新聞。補就補左佢兩年多啲,一開始唔可以話進步好大,下學期個分數就由30% 進步到50%。之後係暑假KEEP 住補,就好左好多,直到依家仲拎埋5** 我好記得我去私補,個MISS第一句就同我講「通識係考skills去到呢家,不得不承認,答題技巧係好重要,我就係成功的例子 !


  1Skill   

A.   漫畫題的技巧

好多人睇到漫畫題第1句就會講,都唔知UP乜。
當然如果知道件事係咩黎好重要,如果唔知呢一題本身就扣左唔少分,或者根本就會離題。咁對議題有一定的理解係第1步 (表層資料),第2步就係深層的理解 (下有框架)


B.    漫畫題的框架    (例子係下面)

1.   人物
2.   打扮
3.   對話
4.   行動

就咁睇,大家可能覺得好流,因為好多人答個陣都會答得到,但你唔記住佢同操多D,大家去到就好容易寫漏左攞分嘅位,同時亦都晒左好多嘅時間,大家都知考通識時間係好炆,慳得一分鐘就拎多幾分。


另外佢有題目會問到運用資料A去解釋漫畫B:)
就好似2013年的第2A

參考資料A,就政府對反對意見的態度,詮釋資料 B 漫畫的信息。


可以睇到,A係立法會的席位分佈 (分開泛民同建制)

資料B係幅漫畫,我地立即用我岩岩講嘅框架(現實考試直接係幅圖到寫低幾個標題)


1. 人物 -----  政府,建制派,泛民主派
2. 打扮 -----  冇(唔洗理)
3. 對話 -----「看!你要看懂包容不同意見嘛」
4. 行動 -----  建制派的贊成(大鐵球)將泛民主派的反對意見壓破


搵齊左之後,就明顯睇到建制派運用係議會的大多數優勢去壓制泛民,同時政府就講風涼說話,顯示對泛民的輕視,無視佢地嘅意見Z_Z


答題的時候可以講     「從圖中所見,一個代表建制派的大鐵球,壓倒泛民主派的反對牌,可見泛民主派的意見被漠視」「而政府的風涼說話代表政府輕視泛民主派」


資料A係一個圖表,講到泛民同建制係三個立法會類別的議席分佈(地區直選,傳統功能組別,超級區議會)
睇到泛民係傳統功能組別的議席被大幅拋離
運用呢樣野,解釋返政府點解輕視泛民(政府只要有建制派的力量,就能輕易通過政府方案,同時由泛民提出的議案亦會遭到否決。


以上的答題示範都係最簡單,想拎高分就要加d例子,就好似講到民主派的提案可以加個平反六四、高鐵優先聘請本地人議案等等。如是者就搞掂左題。



  2SKILL   

評論類題型用以下幾方面去諗:

1.    需要性  
(有冇其他更好的方法?)(例,焚化爐影響居民的建康,同時香港可大力推行源頭減廢的措施及擴建堆填區,因此建焚化爐並不急切)大家可能覺得兩者並冇衝突,why not both?但偏偏者評局接受呢種答法...d都係我私補個陣個miss話我知,我聽到時都好shock

2.    可行性
(有冇反對聲音?)(例,在中環建骨灰龕場並不可行,因有大量商界人士反對,同時負面地影響香港形象)

3.    成效
(如果未實施或者實施中可以直指成效成疑,不過當中要有一定的推論,或者講以很大的成本換取很小的利益

4.    時效性
(短期有效但長期冇/長期(教育)有但短期冇)


不過要注意係!!!
有時問你是否同意呢項政策,都係評論的一類
考生係呢一刻就立即拎返我上面講嘅框架砌


呢題係2012年的卷11

你有多大程度同意立法規定年青人向他們的父母提供財政支援的建議?

1.    需要性- 第二點,本身有孝義
2.    可行性- 第一點,冇足夠錢財
3.    成效-     第四點,行政費同監察成本過高
4.    時效性-

而第三點係基於是非黎諗出黎,即係話原則上或根本上個方案岩唔岩
所以我個框架係漏左
5. 根本上是非




   其他   

有幾多時間寫幾多
最緊要有料
例子要岩
最緊要個MARKER睇到舒服