WFU
Admin Offline
 2016 DSE cut-off     5** 操 Past Paper 正確方法    通識由0到5**經歷及技巧分享    5**讀書態度及技巧分享    BIO 5**温書有道
線上:

2017年1月8日

大學Science比較,讀邊間好?science出路有咩? Jupas 4601, JS5100, JS6901


香港甘多間大學有science讀,到底讀邊間好?








JUPAS code: Jupas 4601, JS5100, JS6901


本港有五間大學有science 課程,以下暫探討港大、中大、科大,其他大學science日後更新。本文討論內容為  

  1    收生分數         2    各校優勢比較     3    理科生出路



  1    收生分數



UQ
M
LQ
Lowest
HKU
26
24
23
22
CU
25
23
22

UST

23
20

*Best five (2016) (from JUPAS)


三間大學既收分都唔算高,而且比起往年跌左,上兩年起碼收高一兩分,應該同DSE報考人數減少有闗。如果你地 meet 到個 LQ,都可以放心擺。



  2    各校優勢比較


   主修數目

雖然同為 Science,但每間大學有不同既主修科目:

港大有16

天文學、生化學、生物學、化學、分析學、地球系統科學、生態與生物分類學、環境科學、食品與營養科學、地質學、數學/物理雙學系、純數學、分子生物及生物技術學、物理學、風險管理、統計學。(綠字為HKU獨有)  (官網 Link)


科大有12

生化與細胞學、生物學、生物科術、生物科術與商學、化學、環境科學、數學、物理學、數學與經濟學、風險管理、雙學位課程、環境管理 (紅字為不屬於Science school,但science學生可選。含有商科成份)  (官網 Link)


中大有11

生化學、生物學、細肥與份子生物學、份子生物科技、化學、地球系統科學、環境科學、食品與營養科學、數學、物理學、統計學。 (藍字學科有Enrichment stream-精英學生專讀)  (官網 Link)


同學在選讀各校science時要確保有你想讀的學科。



   各校強項

港大   擅長學系:生物

部份科學學科需要修讀醫科相關學科,由於有強大的醫學院,醫學學科如腫瘤科,藥物科,都很擅長。生物科也尤其出名。


中大   擅長學系:物理

同樣有醫學院,醫學學科比較擅長。中大物理最為有名,物理系中有一個課程專收精英學生:物理精研,收生中位數 Best five 高達30分。據說物理學生功課較沉重,但學生理倫根基扎實。除左物理,仲有數學精研,比想讀數同物理同學仔讀。


科大   擅長學系:生化

好多實驗機會,學生實驗技術培訓較好,而且成績好既學生有機會同教援一齊做研究,對於日後想從事科研發展有強大優勢。科大同樣有專收精英的科學課程:環球科研 (專門培訓科學家),收生分數高達 Best five 30分,及保證有出國科研的機會,成績好既學生可以係 year 2 時轉入環球科研,對未來科研之路好有幫助。

科大 science 有幾個主修同商科融合,如風險管理、數學與經濟、生物科技與商學、環境管理等。科大商學院係香港八大中最出名,商科課程強大,所以即使將來唔做科學家,進入商界都容易。



   大學因素 --名牌效應

好多人話如果夠分揀都揀港大。的確港大歷史相對悠久, ( 港大 100年、中大50年、科大25),校友網絡龐大,好多畢業已久既校友出入職場多年,唔少已經成為管理層。據說畢業於港大既校友唔多唔小會傾向聘請母校畢業生。不過樂觀 去睇,校友只係一個幫助,係職場成唔成功都好睇個人修為,如果本身有料即使咩 畢業都會請,無料既讀咩 都無用。而且有一個關於就業既排名,科大都排到全球18,所以都唔洗點擔心。



   大學環境

雖然大家都係science,但三間大學文化、環境、氣氛都好唔同,好影響你四年 u life 。有人話CUUST chur ,但其實讀得science 間間u 都差唔多,chur chur 好取決於自身態度,所以 u 既分別唔大。至於文化方面,唔同人適合唔同文化,據說 CU 同 HKU U life 較精彩,我都相信 CU, HKU 校園生活會較精彩,畢境相於 UST 只有工、商、科學、人文學生,CU, HKU 則有勁多唔同學系既人,所謂  friend’s diversity 都較多。聽講 HKU D 人好 sociable,住宿要 interview,而 active 個 先入到。所以各間文化無話絕對好唔好,只有邊間適合你多 D。



   主修以及心修課程

除左 science course,仲要樣野叫做 common core 要讀。中大港大本身為綜合型大學,學院同課程選擇較多,而科大為研究型大學,只有四大學院:科學、商學、人文、工學),選擇範圍相對較小。



   地理位置及宿位

中大係大學站、港大係港大站 (好似有D)、科大係西貢,地理位置好唔同。的確有學生會因為住近新界而選擇中大,住近將軍澳、九龍會選擇科大、而港島則選擇港大。可能你會話:「甘有 hall 住家麻。」但要知道香港地小人多,hall 位永遠滿足唔到所有人,正如上面所講,港大住 hall 要 interview;中大則唔同學院有唔同數目宿位,宿位應該係八大中最多;而科大宿位唔多,據聞唔上莊既話,住到新界西北 (上水、元朗、天水圍) 都無hall 住。



   讀書壓力

據聞三間 U 之中,如果以同樣既努力,CU, HKU 可以攞到B+UST 只可攞到 B-/C+。換言之你要係 UST 付出更多努力,先攞到相等於 CU, HKU 既成績,呢個都係點解坊間話 UST 讀書壓力大既原因。事實上 UST 派 hon (姐係一級榮譽畢業個D) 既要求都較低,姐係話以相同成績,UST 可以攞到一級榮譽畢業,但CU, HKU 只有二級等等。另外,UST 只有四大學院,工科理科學生佔了全校5成以上,其實工、理學在每間大學都係chur,只係UST佔既人數多D,所以先感覺chur D


  3    理科生出路


相信好多人都好關注呢個問題,當然理科生出黎的工作包括但不限於

環保NGO、環保界私人機構、空姐、機師、飛機維修、老師、TALab tech、補習天皇、補習社、藥廠(Sales, Office, Marketing)、儀器廠、Marketing、平面設計、專業化妝師、跳舞老師、樂器老師、救生員、樹藝、園藝、律師醫生 (詳請參考下面紅字)、護士、

放射治療、職業治癒、物理治療、會計(Big 4)、地產、保險、證券、酒吧、養魚蝦場、滑板買賣、鑽石買賣、公務員 ( 漁護、EO/AO、海關、環保署、食環、消防、警察、救護員 )、廣告、教會事工、HRPR……


*理科生被醫學院錄取可參考 這篇文章


Major除左可以帶你入專業既行業之外,靠自己既性格、努力、經驗、興趣及際遇等等,都可以係不同行業立足。(pan tong, 2016)


理科生畢業工作的確不如醫生律師等明確,但係香港呢個社會,除左真係非常專業的既學科外,有幾多科真係有明確出路?好多畢業生講過,出黎工作既行業大部分同自己大學主修無關,見過有讀business 最後做室內設計、science做會計…… 所以話,大學只係一場入場卷當然成功既人,畢業之後會 keep 住進修自己。有人可能已經知道,理科本科生畢業後成績優異者可被醫科錄取,都聽聞有工科本科畢業後被港大法律碩士錄取,所以未來如何,全取決於自己。



如果同學有其他諗法,可以係下面留言



2 則留言:

  1. 想話其實UST同HKU CU計HON差好少...但係UST D GRADE就爛到死..

    回覆刪除
    回覆
    1. UST派hon GPA 低少少叫有少少舒緩甘啦

      刪除

歡迎留言

Cut-off 補習