6招讓 DSE 變得輕鬆 + Study Leave規劃

DSE 就到,唔少同學開始放 study leave。面對 DSE,感到壓力在所難免,以下幾個 Tips,等你可以輕鬆應付 DSE



如果你讀BIO,可能呢篇「果BIO 5** 是如何考出來,温書有道,其實唔難」會有興趣。


     周全規劃

部分同學感到徬徨,好似好多野未温、點温都温唔哂、又唔係好知點樣入手、由邊到開始温好……有以上諗法,可能因規劃不足,因此同學可自訂一個時間表。

首先,花時間諗下有 咩要温,例如我有 6 科要温,BIO 30課,我決定用10日温 BIO,等如每日温3課,然後係時間表寫低:「1號温1~3課,2號温4~6……」每科如是。
當規劃好哂一個月要温嘅內容,你嘅目標頓時好清晰,變得豁然開朗。
跟住需要做嘅係,按照時間表,一步步學習。當然,愈早考嘅科目先温。

制定時間表有咩重要事項,可參呢篇


     充分休息

「休息係為左更長遠嘅戰鬥。」。

一個人持續神經繃緊,除左極大嘅壓力,温習效率都會事倍功半。所以,以自身經驗黎講,每温 3 小時,就比自己休息 1~2小時。要知道,温書超過3個鐘以後,你確認自己個心仲係本書到?相反,如果比個意識自己:「仲有30分鐘就可以抖啦!」然後個心為之一振,衝埋呢半個鐘,效果可能更好!可能你會話:「每3個鐘休息2個鐘好奢侈喎。」但大家不妨計下:

9am-12
12-2pm
2-5
5-7
7-10
10-12am
12-8am
温書
休息
温書
休息
温書
休息
zzz

Total 9個鐘温書
有效率温書,9個鐘卓卓有餘。


     抖下氣

係 plan 一個月温書大計時,不妨每7-10日,就 plan 半日/一日比自己出去玩下、散散心、揾朋友吹下水…… 咁做不旦可以抒緩壓力,更可比自己充充電,獎勵下自己,比自己更有動力去温書。出完街後,同自己講:「再接再勵!」


     樂觀心態

DSE 係人生大事?」NODSE只係人生其中一個路程。「DSE 定生死?」NODSE 只係入大學其中一個途徑。

好多人過度重視DSE,比自己好多壓力。的確,每個人有唔同既想法,但為左DSE而產生情緒病,實在不值。面對DSE,盡力就好。反正升上大學嘅方法好多。曾經聽講一句話,依然印象好深:「人生成功需要智慧,大學只是一個尋找智慧的地方。」

 【延續閱讀】【數學】DSE 5** 心得分享


     朋輩支持

有人話同朋友一齊温書可以互相幫助,都有人話同朋友一齊係無可能温到書,但無可否認,但無論相約出黎與否,收到朋友一句:「加油」message,的確會動力倍增。朋友間互相支持,互相督促,等你知道自己有否怠慢,如果係,就加快腳步。

朋友間支持唔洗做好多,有時只需簡單一句whatsapps:「温成點呀」「加油啦,一陣再傾啦。」就夠,等你覺得自己唔係孤軍作戰,學習心情會好好多。


     調整心態

DSE直入大學固然好,但大家太低估DSE以外嘅路,實際上,係我入大學兩年之後,開始陸陸續續收到好多中同從HD/ASSO 升返大學嘅消息,當中有唔少入到唔錯嘅大學同學系,有D直升year 3,一年都無浪費過。有唔少人 DSE 表現平平,但 HD/ASSO 成績驚人。要知道,好多人唔受DSE呢一套,大學個套學習模式會更適合你地,所以DSE成績唔等如大學成績,DSE 考得唔好,但只要有心讀書,有決心入大學,從HD / ASSO U 嘅機會依然好高。

總而言之,過埋呢兩個月,就可以去 Grad trip。